My frustration on caste extremism...

I knew from a long time about the superlative feelings of caste in our country especially in our Telugu states but recently, I was surprised and rather shocked by the events that happened in Andhra Pradesh. I didn't expect the extent, some politicians go, to encourage people to destroy their own properties (I mean, public properties) for the sake of caste. I wanted to put all my displeasure in words and here it is.


ఎవడింటి వాడివిరా నువ్వు ఏ కులపోడివిరా..?

ఏ దేవుడిచ్చాడు కులమన్న బిరుదు..?
ఏ భాషలో చెప్పి భూమ్మీదకొదిలాడు..?
ఆయనిచ్చిన ప్రాణంలో మనిషికే కులమా..?
జీవకోటికే లేని కులపిచ్చి నీకెందుకురా..?

ఎవడింటి వాడివిరా నువ్వు ఏ కులపోడివిరా..?

నీ తల్లి పేగుకెరుకా..? ఆ రొమ్ము పాలకెరుకా..?

పసి వయసులో విన్న లాలికెరుకా..? పొత్తిళ్ళలో కన్న కలలకెరుకా..?
నీ పుట్టుకకి కానిది నీకెందుకురా..?

ఎవడింటి వాడివిరా నువ్వు ఏ కులపోడివిరా..?

నీ తండ్రి చెమటకెరుకా..? రక్తమోడ్చిన డబ్బుకెరుకా..?

తన కాయకష్టానికెరుకా..? తన బిడ్డకిచ్చె సుఖానికెరుకా..?
నీ దారిన లేనిది నీకెందుకురా..?

ఎవడింటి వాడివిరా నువ్వు ఏ కులపోడివిరా..?

నీ తిండి గింజకెరుకా..? ను పీల్చే గాలికెరుకా..?

నీ బిందె నీటికేరుకా..? నీ ఒంటి గుడ్డకెరుకా..?
నీ బ్రతుకుకి రానిది నీకెందుకురా..?

ఎవడింటి వాడివిరా నువ్వు ఏ కులపోడివిరా..?

కమ్మోరు, కాపులోరు, సాములోరు, పాలేర్లని... 

మనిషన్న వాడిని నరికేస్తూపోతే... 

ఏ కీలు కా కీలు ఎంచేస్తది పాపం... 

ఒక్కోటి కొట్టుకొని మనిషినే మింగేస్తది... 

నువ్వు పెట్టిన చిచ్చు నిన్నే ఎసేస్తది... 

నీ చావు తెచ్చేది నీకెందుకురా..?

నీ గుండె నెత్తురు చెప్పదు... నీ కాటి కలప చెప్పదు... 

ఈ మధ్యనున్న జీవమూ చెప్పదు... 

నీకున్న ఆకలి చెప్పదు... నువ్వు దాచే ఏడుపు చెప్పదు... 

నీ నాడి లోనుండే అలజడి చెప్పదు... 

దేనికీ కాని కులగజ్జి నీకెందుకురా..?

మనకొద్దు మనకొద్దు ఈ పిచ్చి అంటూ... 

మారాలి పదిమంది పనిగట్టుకుంటూ...

ఇకనైనా విడిచేస్తే మనిషంటూ ఉంటాడు... 

లేదంటే కాలంలో గుర్తెరుగక పోతాడు...